اجيك وكلشي بيه يريد يفرح بيك

اجيك وكلشي بيه يريد يفرح بيك
الجدم كل خطوه يمشي يبوس بدربك
وكلبي بكلشي فرط واعترف خسران
بس عنده المهم من يوصل الكلبك
واكولن راح اسولف كلشي من اللكاك
واصفن وانشده من اكعد بكربك
واكول اشكد حلو ياربي شحجي وياك
واشككه السوالف واكتفي بسبك
هلكد ما احبك خلص حتى الشوك
وما احبك كمت من كثر ما حبك
**********************************

الي صاحب گبل سنتين مامات
ظل عايش اوياي ابطيبته اوصدقه
اذكر من خطب رحت انه اهنيه
اشگد فرحان شفته اوقانع ابرزقه
بس ابحنته مو اهله حنوه
سبگتهم عليه اوحنته الطلقه
امه اتسودنت بلشارع اتدور
اوعلى ياهو التشوفه اتگدر الحلقه
*********************************
هاك الروح اخذه واني ممنون.
لا انطيك عيني ولا اعوفك.
مو بخلا عليك وشنهي العيون.
اخاف انطيك عيني وبيش اشوفك
*****************************
من كثر الحلاه تشرك لهات الناس.
واليشرك يصيح بالماي الحكوني.
وانه اشلون بيه من الحلات البيك.
ماشركت لهاتي شركت اعيوني
*****************************
كتبت اسمك بصفحة حايط البيت
ومن حس بحنانك صار مسكين
طاح البيت لمن انتة مريت
ولك حبك سطر حتى الحياطين
****************************
شفتك مشتعل ردت انه اطفيك
ولان رجليه ميته ازحوف اجيتك
ومشلوله الادين وصعب اشيل الماي
افتحت شريان كلبي وبيه طفيتك

حلو بس صعب مو سهل ينلاح
ودايخ بي ومحتار شلون الوحة
من كد ما حلو مو دوخ الناس
من كد ما حلو داخ علة روحة
************************
كلش مو طبيعي ودخت كلش بيك
وداخت من حجيت وياك كلماتي
من حلاتك سيد وينكالك مولاي
من كد ما دخت بيك كلتك يمولاتي
شفتك غوشت عيني كمت ماشوف
درت وحهي صفح شافتك ذاناتي ( عبد الحسين الحلفي ) بصرة
***************************
جمعة او سبت عطلة اتسوي الاسلام
اوعلى كلبي المصايب لملموها
كبل بس جمعة جانت تكضي بالموت
سبت امنين جابو جملوها
والله لو يدرون الهة اشكثر اشتاك
جا عشرة محرم داوموها

*****************************
السنة حته العراق يزورعبّاس
ويگص عبّاس رگبة طائفيته
وسنةالجايه مانمشي زوار
الحسين يزورنه كلمن بّيته
****************************
مره خابرني شخص يطلب العون
والمصيبه الساعه بلوحده الظهر
والمصيبه اني صح املك اسلاح
ولمصيبه اسلاحي طلقاته حبر
ولمصيبه الرقم عني موغريب
ولمصيبه واحد اتلاثه صفر 130
***************************
تايب بعد ما اعود للما وفى وياي
ميت عطش ما اريد من جفك الماي
**************************
المجاذيفه الفخر متخرمه وتجذف
ولتمد له حبل دلوك وصل للكاع
هو البير فارغ دلوك اشيغرف
هسه انه وترامن الوسط مكطوع
اشلون اتريد منه بيا بخت يعزف



لان عطشان كتلك كل سرابك ماي
وابد لد كول عني بكلبك اشيعرف
تريد من النجم غصبن يعوف الليل
وتوصي السعف بالريح لا يرجف
وتشكي بلا جرح ودكلي خانو بيك
وغرورك سيل اعمى بلا وجع يجرف
ولا دمك نزف كونك صدك مجروح
حتى الكاع لمن تنطعن تنزف
***************************
الفخر مو للبلم من يشك صدر الروج
المجاذيفه الفخر متخرمه وتجذف
ولتمد له حبل دلوك وصل للكاع
هو البير فارغ دلوك اشيغرف
هسه انه وترامن الوسط مكطوع
اشلون اتريد منه بيا بخت يعزف
***************************
الك طوبة الليالي ........... ناولني
وعلى هجرك أأكد .......... ناوي لني
اذا يس ترضة ذلي ......... ناو لني
وما ارضة اذا حبك اذية
*************************
ذهب صافي طبعنه ماصدينه
وابد للي نودهم ماصدينه
تصيد الناس وحنه ماصدينه
رغم نفس المجان انذب سويه
*************************