البـــمبـش

البـــمبـش

جزة وكت الحزن والجور والصفنات وكت جيش القدس والشعبي والبمبش
جان الليل عدنة والنهار اخوان جان الفگر دوم ابـديرتــــــــي معشعش
جنة انخاف حتة من الهوه والماي من الحايط نخاف انكـول لا يكـــــــرش
وي نفسك جنت من تحجي هم تخاف ما تدري اعلة ساعة الي حجيتة ايطش
من شرطي الامن تلبد لون ايفوت والاستفسار منه اتصوفر وتـــــــرعش
اطفر علسطوح ودكدكة بيبان ومن تريد تحجي الكـــــــــــل تكلك اش
اللحم جنة كبل والسمج نسمع بيه ومن تين العجم والموز نستـــــــوحش
وجنة بطرك راديوا مربطيه بخيوط بس بغداد يسحب دوم ويـوشــــــــوش
الانترنت هسة وسيدي والنقال وعائلتي اصبحت تتفرج اعلــــة الدش
شكولاته وقواطي الببسي يقدمون الك لو يوم يم صويحبك تطـــــــــــرش
ذبينة البسط ذيج التلعب الروح والكاشان كمنـــــــة ابكل كتر نفـــرش
خلصنة من المحلي وبعد ما نشريه وشرينة الاجنبي جي لنة ما بي غش

*******************************************************************