عني تروح وين امحسب حساب

عني تروح وين امحسب حساب

وانه كل ذرة بيه تعيش وياك
وكل لحضة التمر ترسملي بسمات
تحمل صورتك وتعيش ذكراك
اضمك وين؟ كلي وروحي ترتاح
اذا وسط الكلب واطرافة تشتاك
ياشهكة نفس باللاوعي تصير
الم ويصيح بية شلون انساك
من احس مخنوكة عيني الشوفتك عود
اطلع عيوني اباوع تطلع هناك
احس ذرات كلبي مدافع اعليك
مثل حلة مدارس لمن اللكاك
حتى جفوفي بالحب تنكط احساس
يغمض عيونة جفي يفتح اللكاك
مامش بالعقل بس ذكرك يدور
انت كبال عيني وروحي تتناك
اباوع بيش ؟كلي وتشبع الروح
ماتكفي العيون الشوك فتاك
من اشوفك كل شبر بي تطلع عيون
وانزع عيني لمن اتبع امشاك
حتى اعلة الحقيقة اتشوفك الروح
وحتى اكدر احيط بكل مزاياك
واخاف العين تتعب ماتصد زين
اصعد الجسد كله بعيني لو ضاك
يل هلهولة عينك كعدت الروح
وصحًت عيني صدك ميلة امشاك
دير عيونك ولتًعب الراس
شفاف وتصد عينك من كفاك
مااكدر اصد بوجهك النور
انشدك شنهو وسط الشمس سواك!
ينكص الكمر بالشهر مرات
كلمه اتجوع الله ينزلة لشفاك
اجي بالليل عنك يزحف الليل
اصد وجهك نهار شلون خلاك
يمكن الله صبك صيف بشتاه
وكص من الشمس من عدها غطاك