الشعر الشعبي

مرحبا بك عزيزي الزائر. المرجوا منك أن تعرّف بنفسك و تدخل المنتدى معنا. إن لم يكن لديك حساب بعد, نتشرف بدعوتك لإنشائه
الشعر الشعبي

الشعر الشعبي والادب العربي

المواضيع الأخيرة

» حط شفتك بشفاي وانة اكلك ليش
الخميس سبتمبر 24, 2009 2:49 am من طرف يحيى القيسي

» سيارات حسن
الثلاثاء سبتمبر 22, 2009 3:40 am من طرف يحيى القيسي

» صور حسون
الثلاثاء سبتمبر 22, 2009 3:30 am من طرف يحيى القيسي

» صوررررررررررررررو
الثلاثاء سبتمبر 22, 2009 3:02 am من طرف يحيى القيسي

» صدر جميل
الثلاثاء سبتمبر 22, 2009 2:57 am من طرف يحيى القيسي

» صووووووورة جديدة
الثلاثاء سبتمبر 22, 2009 2:54 am من طرف يحيى القيسي

» صوووووووووووور
الثلاثاء سبتمبر 22, 2009 2:51 am من طرف يحيى القيسي

» حط شفتك بشفاي وانة اكلك ليش
الثلاثاء سبتمبر 22, 2009 2:47 am من طرف يحيى القيسي

» اجمل ما قيل في الفصيح
الخميس سبتمبر 17, 2009 12:57 am من طرف يحيى القيسي

التبادل الاعلاني

سحابة الكلمات الدلالية

أفضل 10 أعضاء في هذا المنتدى

المتواجدون الآن ؟

ككل هناك 0 عُضو متصل حالياً 0 عضو مُسجل, 0 عُضو مُختفي و 0 زائر :: 1 روبوت الفهرسة في محركات البحث

لا أحد


[ مُعاينة اللائحة بأكملها ]


أكبر عدد للأعضاء المتواجدين في هذا المنتدى في نفس الوقت كان 16 بتاريخ الجمعة يونيو 14, 2013 11:08 pm

تدفق ال RSS


Yahoo! 
MSN 
AOL 
Netvibes 
Bloglines 

    نثرت دموعي للاسمر والاكحل

    شاطر
    avatar
    يحيى القيسي
    الــــــمـــــــديــــــــــر الـــــــــعـــــــــام
    الــــــمـــــــديــــــــــر  الـــــــــعـــــــــام

    عدد المساهمات : 162
    تاريخ التسجيل : 05/04/2009
    العمر : 29

    نثرت دموعي للاسمر والاكحل

    مُساهمة من طرف يحيى القيسي في السبت مايو 30, 2009 10:55 pm

    نثرت دموعي للاسمر والاكحل
    وصبغ وجانتي على خدودي ولك حل
    صدكني سهل انت ولك حل
    احلك لو ترد انت علية



    على ضيم الهوى ياروح علمي
    وبيها ارفعت اني اليوم علمي
    اسالتها المستوى وتكول علمي
    بخامس باء يالتسال عليه


    قلبي انت ملكته وانت حر بيه
    عليل وطبي عندك وانت حر بيه
    كاس السم اشربه وانتحر بيه
    اذا غيرك يمس اطراف ادية


    باب الدار بجفوفي لحني
    وحنين النوك ما يوصل لحني
    وطيت لكن اسهمك لحني
    بوسط قلبي وطبيبي احتار بية


    هلي وياهم چنت عايش بلاهم
    ونهاري شماضوى مظلم بلاهم
    هلي مدري الوكت شنهو بلاهم
    ولاهم اعرفوا بالصار بيه



    حبيبي لا تظن انساك ولهه
    دوه الروحي غرامك صار ولهة
    الشفة والعين ترد عليك ولها
    تدعيلك كل صباح وكل مسية


    الك ياصاح ماظل مني خاطر
    واحسبه احساب دربك من اخاطر
    تعال كرب حبيبي مني خاطر
    تعرف اجنون حبك اسوه بيه


    انا بگاروك حبك وانته هزني
    صرت فرصه بحياتك وانتهزني
    انه شجره محبتك وانته هزني
    وخلي الورد يتناثر عليه


    عيونك تصيب الگلب بسهام
    يلي ابد ماشفت بهواك بسهام
    انا طير المهاجر بالفضاء بسهام
    اشوفك وانا تايه بالبريه


    يـحلو الاطبـاع واصلني وقارب
    ماعندي اهل غيرك وقـارب
    سفينه بالبـحر ردتك وقـارب
    تشيل الحمل من يثگل عليـــه



    دارميات



    ما تنسمع رحّاي بس آيدي أدير
    أطحن بكايه الروح موش أطحن اشعير
    *****
    أطحن واكضي الليل عن المأ ريده
    بالكذله أصبح شيب من مدة ايده
    *****
    موش أطحن شعيرات أطحن بهمك
    أكعد ودور الروح تلكاهه يمك
    *****
    ما تنسمع رحّاي بس بجيّ مسموع
    جاتلني والله هواي ما منه مرجوع
    *****
    متحزمه وانكل شوك (للفود)أدفيه
    بغشيش ألك يالموت؟من عندي دخفيه
    *****
    ضيجة خلك بالبيت رجلي آنه اشوفه
    صاحت علىّ الناس جن أرد اعوفه
    *****
    الودر..؟ جاني ينام والشمس عدله
    والله بجلب مجلوب لوصح أبدله
    *****
    وين اليفك مظلوم وين الله وينه
    يتركرك عله جلاي هذا الحضينه
    *****
    أتكلي أمي اخذيه اكرع وشايب
    أتلمس بعلباه مامش كصايب
    *****
    زفوني نص الليل للبرد حيله...؟
    حبني وترسني اتفال من وره الشيله
    *****
    الحجي بس وياي ناكص بالعيار
    كلهن يكسرن جوز وآنه أكسر حجار
    *****
    كل الشيوب التموت شيبه يتجدد
    رآيه وسبع خرفان يومن تمدد
    *****
    كالولي رجلج مات موتة جلبنه...؟
    النخل بيه جريد والصاري عدنه..؟؟؟
    *****
    أيكلي همي العشه خلينه نشبع نوم
    الما تريده النفس جالشركه بالزردوم
    *****
    يا فلان اجاك وليد حظك غلبني
    اوصل لباب الدار يبجي ويردني
    *****
    يا نغل ولد(أعفين )بالشط من ارميك
    لوجنت أبن هواي بالعين أخليك
    *****
    أرجه اليموت يعود روحي أمهبوله
    طبكت عليه الكاع ما بعد أنوله
    *****
    كلجن يمظلومات للكاظم امشن
    ويم سيد السادات فكن حزنجن
    *****
    شايله فرخ(لكعيم ) مالج يابطني
    ربطة شفج بعذار ربي ربطني..؟
    *****
    آخذله دمع العين وأصعد للأزرك...؟؟؟
    لو ينعل الشيطان لو يجسم ! الحك
    *****
    جيبولي جدر النيل خل اصبغ الثوب
    تو أيس الدلال منهم فرد نوب
    *****
    مثل الجدع ممدود مطلوني يمه..؟
    كلما يجي ويروح بيدي أغمه
    *****
    ريت العمامه أحدار كش ول يامومن..؟؟؟
    من كونه موش هواي لكبع وكومن
    *****
    وينج ووين الرجل بعدج زغيرونه
    عيونج فشك مستحه للحرب يريدونه...؟؟؟
    *****
    خطار أهلنه منين هاشم يديه
    بس لا تكوليش لا خطاب اليه
    *****
    مو كلشي نتمناه يوكع بدينه
    أحنه السفن والريح تلعب علينه.؟
    *****
    آي والعرش واللوح والبلعته الحوت
    نارك بلب أحشاي تلتهب للموت
    *****
    والحجر وأهل البيت والحج والحرام
    كل ساعه من فركاك(يشكر )بالف عام
    *****
    غصبن عله الروح جابتني اشوفك
    جثر الهه بالصدعات بلجن تعوفك
    *****
    مهضومه جيت أنخاك كلهم ولوني
    لالي ولي بهل دار أهلي نسوني
    *****
    وشبعد وشخليت تنغط يالغراب
    تنذجر ماتنشاف خليت الاحباب .؟
    *****
    كالولي منهو ذاك كلتلهم هواي
    شنهو العلامه البيه.؟رف كلبي وجلاي
    *****
    ما نمت ربع الليل نشدوا ألمخده
    وآنه حلمت بهواي خدي عله خده
    *****
    أحزن حزن معدان وارجي العصابه
    ويه أم رجل وفروخ عوجه الطلابه
    *****
    يا مجوره وين تردين زينه نزلنه
    كل أحنه نمشي وياج ونعوف أهلنه
    *****
    اليون تالي الليل لا بد عله اسباب
    لو دهر موجر بيه لو ذاجر أحباب
    *****
    ظل ابجي طول الليل ابدن ما أهزك
    لو جنت ابن هواي جان اشمعزك
    *****
    أتنخه بالنسوان خيه أبجن أبجن
    نوبه عله ولفي الراح نوبه عله هلجن.؟
    *****
    شيخصهه بيه الناس رجلي أرد أجويه
    يركض وره اليمشون صاير طبع بيه
    *****
    ربي انتجلت عليه ...جوزني حايج
    يتعاركن رجليه مثل الشرايج
    *****
    شو دمش عني غاد ول ول يبو أركب
    ليهّ ما يخلقك زين من كون ألك رب...؟؟؟
    *****
    يا من تبدل وياي رجلي برجلهه.؟
    ونعادل أبميزان والزايد الهه
    *****
    لو تون لو ترتاح لو تلزم الباب
    جنك جدع ممدود ما بين الاحباب
    *****
    أرد اللعب بدنايّ ما طالت ايدي
    الفكر والشبعان خامه أبمجيدي
    *****
    عود أبعدت واسلاك غمك لهالراي
    تعرضلي وكت الزاد وبشربة الماي
    *****
    حبله وأهز كاروك سبعه لي اللعبون
    ما جوز آنا! من هواي كلكم تشهدون
    *****
    من زار رجلي وجاي أنسلت خيطه...؟؟؟
    خليني وي اهواي أخذلي ميطه ..؟؟؟
    *****
    العتب موش عليك عتبي عله لعكال
    شوماكلت من أول شوط مابيه تطوال..؟؟؟
    *****
    والبيدي والبلكاع وعله امتوني
    ماجوز انا من هواي لو كطعوني
    *****
    عمتك زينه وياك عمتي اشعمه
    حته الهوه من هواي ما ترضه اشمه
    *****
    همي وهم هواي وهم الله فوكه...؟؟؟
    تفتر عليه الناس جن عندي بوكه
    *****
    هواي أريد هواي هواي أريده
    ما كوم آنا مناه ألا أيدي بيده
    *****
    ظل أبجي ما خليك ترضع حليبي
    أنت وابوك تروح فدوه الحبيبي...؟؟؟

    ........




    ا عزائي هاي مناضرة بين رحيم المالكي
    وعريان السيد خلف

    رحيم المالكي ...
    عليك الليل كلة انة وانة
    ومعاك العتب هسة انة وانة
    ا لتهدد بالنفاهة انة وانة
    ويلك مو طبك دهري علية


    عريان السيد خلف ...
    نبي ونجبر خواطر من يبينا
    وسر موس البكلبي من يبينا
    اذا مرة انتخينا من يبينا
    نهد العالية بعلو الثرية


    رحيم المالكي ...
    لائن طكات شماتي بهاماي
    وشل لا تضن عيني بهاماي
    اذا عذ الرضا يبصم بهاماي
    اكطعة الجان يرضالي بردية


    عريان السيد خلف ...
    ا لعلية غير اهلها من علاها
    وروحي خسة الكلك من علاها
    بعزم الله نخلتي من علاها
    يراموها بحجر وتضل صخية


    رحيم المالكي ...
    انة روحي الليالي من رسنهة
    الاصيلة انت تعرفهة من رسنهة
    سيوفي مغمدتهة من رسنهة
    ركاب عداي ومبردهن ادية


    عريان السيد خلف ...
    اعلي بالوصل روحي علني
    وسوالفكم بدلالي علني
    ليالي لجنت خازلهن علني
    وغدت عجلة مخالبهن علية


    رحيم المالكي ...
    انة الواضح والمبين ولا خاف
    وانة الما رجفن جدامي ولا خاف
    وانة الما نكص وزني ولاخاف
    اختفيت وخفت وزن العلية


    عريان السيد خلف ...
    يكلبي شكثر يحمل بعد يملاك
    تعدى والعقل بالصبر يملاك
    ابن ادم لو ملك قارون يملاك
    وبلا اخلاق ما ينسهب

      الوقت/التاريخ الآن هو الثلاثاء نوفمبر 21, 2017 11:37 pm